دشمنی دل میں بساتے ہیں زمانے والے
خود ہی مٹ جائیں گے اوروں کو مٹانے والے
ہم کو معلوم ہے انجام ہراک ظالم کا
خود بھی روئیں گے کبھی ہم کو رلانے والے
یوں تو ملتے ہیں زمانے میں بہت دوست مگر
کم ہی ملتے ہیں محبت کو نبھانے والے
وقت مٹھی سے نکل جائے گا بالو کی طرح
ہوش میں آذرا یوں وقت گنوانے والے
ایک اک پل کی کرو قدر ہمیشہ سرورؔ
پھر نہ آئیں گے یہ لمحے کبھی جانے والے
غلام سرور ہاشمی
No comments:
Post a Comment