حمد لکھ کر ثواب مانگتا ہوں
اپنے خط کا جواب مانگتا ہوں
زندگی کا نصاب مانگتا ہوں
ایک اُم الکتاب مانگتا ہوں
لاڈلا ہوں ثواب مانگتا ہوں
نیکیوں کا حساب مانگتا ہوں
تیرے جلوؤں کی تاب مانگتا ہوں
اک نظر کامیاب مانگتا ہوں
جاگتے سوتے بس تجھے دیکھوں
یہ حقیقت یہ خواب مانگتا ہوں
مجھ کو جنت میں پھر پہنچنا ہے
اک طہورا شراب مانگتا ہوں
ہیں گنہ میرے بے شمار انیسؔ
رحمتِ بے حساب مانگتا ہوں
انیس احمد خاں انیسؔ
91LawyersChambers
SupremeCourtofIndia
NewDelhi-110001
Mob:9811160288
No comments:
Post a Comment