گلا سفر طویل نہیں

اگلا سفر طویل نہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وہ دن بھی آئے ہیں اس کی سیاہ زلفوں میں
کپاس کھلے لگی ہے، جھلکتی چاندی کے
کشیدہ تار چمکنے لگے ہیں بالوں میں
وہ دن بھی آئے ہیں، سرخ و سپید گالوں میں
دھنک کا کھیلنا ممنوع ہے، لبوں پہ فقط
گلوں کی تازگی اک سایہ ء گریزاں ہے

وہ دن بھی آئے ہیں ، اس کے سپید گالوں پر
کہیں کہیں کوئی سلوٹ ابھر سی آئی ہے
ذرا سی مضمحل ، تھوڑی تھکی تھکی سی نظر
تلاش کرتی ہے، عمر ِ گریز پا کے نقوش

اسے بھی لگتا تو ہو گا کہ میں وہی ہوں ، مگر
خزاں گزیدہ، تھکا سا، اداس، رنجیدہ
اسے بھی لگتا تو ہو گا کہ ہم وہی ہیں، مگر
دل و دماغ کی باہم سپردگی کے دن
نہ جانے عمر کے کس مرحلے پہ چھوٹ گئے!

میں چاہتا ہوں، کبھی بات کر کے دیکھوں تو
کہوں کہ جسم تو اک عارضی حقیقت ہے
کہوں درون ِ دل و جاں جو ایک عالم ہے
وہاں تو وقت کا احساس تک نہیں ہوتا
کہوں کی عمر سےشکوہ ، گلہ جوانی سے
لبوں پر حرف ِ شکایت، دلوں میں تلخی سی
علیل جذبے ہیں، ان سے ہمارا کیا رشتہ؟
کہوں کہ آج بھی صبح شب ِ وصال کے گُل
ہماری روح میں کھِلتے ہیں، آئو ساتھ چلیں
پکڑ کے ہاتھ کہ اگلا سفر طویل نہیں !!!!

अगला सफ़र तवील नहीं

वो दिन भी आए हैं उस की सियाह ज़ुल्फ़ों में
कपास खिलने लगी है, झलकती चाँदी के
कशीदा तार चमकने लगे हैं बालों में
वो दिन भी आए हैं सुर्ख़ ओ सपीद गालों में
धनक का खेलना ममनूअ है, लबों पे फ़क़त
गुलों की ताज़गी इक साया-ए-गुरेज़ाँ है
वो दिन भी आए हैं उस के सबीह चेहरे पर
कहीं कहीं कोई सिलवट उभर सी आई है
ज़रा सी मुज़्महिल थोड़ी थकी थकी सी नज़र
तलाश करती है उम्र-ए-गुरेज़ पा के नुक़ूश
उसे भी लगता तो होगा कि मैं वही हूँ, मगर
ख़िज़ाँ-गज़ीदा थका सा उदास रंजीदा
उसे भी लगता तो होगा कि हम वही हैं मगर
दिल ओ दिमाग़ की बाहम सुपुर्दगी के दिन
न जाने उम्र के किस मरहले पे छूट गए
मैं चाहता हूँ कभी बात कर के देखूँ तो
कहूँ कि जिस्म तो इक आरिज़ी हक़ीक़त है
कहूँ दरून-ए-दिल-ओ-जाँ जो एक आलम है
वहाँ तो वक़्त का एहसास तक नहीं होता
कहूँ कि उम्र से शिकवा, गिला जवानी है
लबों पे हर्फ़-ए-शिकायत दिलों में तल्ख़ी सी
अलील जज़्बे हैं उन से हमारा क्या रिश्ता?
कहूँ कि आज भी सुब्ह-ए-शब-ए-विसाल के गुल
हमारी रूह में खिलते हैं, आओ साथ चलें
पकड़ के हाथ कि अगला सफ़र तवील नहीं

Satyapal Anand