Breaking

Post Top Ad

Saturday, February 22, 2020

Aisi Waisi Bhala Ye Fatah Yaabi Hai

ایسی ویسی بھلا یہ فتح یابی ہے
میری ہار میں سازش خاص احبابی ہے
جلدی جلدی باندھ رہا ہوں رختِ سفر
گھر سے مجھے نکلنے کی بے تابی ہے
پھیرے میرے‘ دریا‘ جھیل‘ سمندر تک
چونکہ مرا مرغوب پرندہ آبی ہے
جھلمل کرتے پانی کے پیچھے ہیں سب
لیکن صحرا میں کس کو سیرابی ہے
دھار نلوں کی دھیمی سے دھیمی رکھئے
دریاؤں کو پانی کی کم یابی ہے
کاٹ کاٹ پیڑ بنا ڈالا صحرا
جنگل میں اب سائے کی نایابی ہے
مئی جون میں ملتا ہے اب مشکل سے
ایسا دریا جسے کہیں غرقابی ہے
ایسی ویسی بھلا یہ فتح یابی ہے  میری ہار میں سازش خاص احبابی ہے
ایسی ویسی بھلا یہ فتح یابی ہے
میری ہار میں سازش خاص احبابی ہے

غلام مرتضیٰ راہیؔ
RahiManzil.135-Pani
Fatehpur-219601(U.P) 

No comments:

Post a Comment

Post Top Ad

Pages