Kaif Masti Suroor Hai Urdu Zindagi Ka Zohoor Hai Urdu

کیف، مستی، سرور ہے اردو

زندگی کا ظہور ہے اردو

پایلوں کی چھمک ہے اردو میں

گھنگرؤں کی چھنک ہے اردو میں

بجلیوں کی چمک ہے اردو میں

سورجوں کی جھلک ہے اردو میں

پربتوں کی دھنک ہے اردو میں

موسموں کی للک ہے اردو میں

بلبلوں کی چہک ہے اردو میں

بادلوں کی دھمک ہے اردو میں

گلشنوںکی مہک ہے اردو میں

ساونوں کی لہک ہے اردو میں

دلکشا رنگ و نور ہے اردو

دلربانہ شعور ہے اردو

٭٭٭

٭٭٭ 

٭٭٭ 

اس میں قصے ہیں گل و بلبل کے
اس میں جلوے ہیں حسین سنبل کے
اس کے ذرّے بھی آفتابی ہیں
اس کے تنکے بھی کہساری ہیں
اس کے رنگوں پہ جھومتی مستی
اس کی نظروں میں مچلتی ہستی
اس کا اظہار، دلکشا منظر
اس کا اسرار، دلربا پیکر
اس کے لفظوں سے دلکشی چھلکے
اس کے لہجے میں چاندنی چھلکے
نگہہ و دل کے حضور ہے اردو
روح پرور سرور ہے اردو

Kaif Masti Suroor Hai Urdu

Zindagi Ka Zohoor Hai Urdu

Kaif Masti Suroor Hai Urdu

Zindagi Ka Zohoor Hai Urdu

ارشد مینا نگری

H.No-51,Mominpura

Malegaon-423203(Nasik)