غزل

*اک رنگِ تغزل ایسا بھی۔۔*

از : *احتشام اطہرؔ نعیمی (دھولیہ)*
➖➖➖➖➖➖➖➖➖➖➖➖

خستہ شانوں پر اٹھاؤ پہلے بارِ زندگی
تب کہیں ہوگا میسر افتخارِ زندگی

ہر نیا دن آئے لے کر اعتبارِ زندگی
ہر گزرتا کل بنے گرد و غبارِ زندگی

نے سکونِ دل سلامت نے قرارِ زندگی
ہے مجھے راہِ قضا پر انتظارِ زندگی

زا و نون و دال و گاف و یا نہیں کوئی کمال
زندگی کو زندگی کرنا بہارِ زندگی

ہم ازل سے تشنگانِ لمسِ لطفِ عشق ہیں
جوہرِ برہم ہیں جو قرب و جوارِ زندگی

اے فلک! کچھ پرسشِ احوال کر، زندہ تو ہوں
میں کہ گم گشتہ سہی در کاروبارِ زندگی

بزمِ دنیا میں ہے اطہرؔ ہر کس و ناکس مریض
آپ اک تنہا نہیں ہیں دلفگارِ زندگی

➖➖➖➖➖➖➖➖➖➖➖➖
*الف اطہرؔ نعیمی۔۔* 8668766035