اشک آلود لمحات مت پوچھئے

اشک آلود لمحات مت پوچھئے

دورِ حاضرکے حالات مت پوچھئے

جس نے پل بھر میں کایا پلٹ دی مری

با اثر ان کی وہ بات مت پوچھئے

جن سے وابستہ تھیں رونقیں زیست کی

کیسے اجڑے وہ باغات مت پوچھئے

دیکھ کر بلبلوں کی قلا بازیاں

جو ابھرتے ہیں خدشات مت پوچھئے

سنگ کے روز بڑھتے ہویے ظلم کو

کیسے دی کانچ نے مات مت پوچھئے

اس کے جیسا کوئی ہے نہ ہوگا کبھی

کتنی تھی وہ حسیں ذات مت پوچھئے

کیا کہوں اپنی رودادِ عشق و وفا

دل کے اٹھتے بخارات مت پوچھئے

کپکپاہٹ تھی طاری مرے ذہن پر

ان کے مبہم سوالات مت پوچھئے

ریگ زارِ الم کا سفر تھا عجب

کتنے روشن تھے ذرّات مت پوچھئے

جس پہ قدسیؔ چھڑکتا رہا جان و دل

اس نے دی کیسی سوغات مت پوچھئے

سیداولادِ رسول قدسیؔ (امریکہ)

سرپرست ادبی محاذ

E-mail:auladerasul@yahoo.com