Ham Yon Mile Ke Jaise Koi Wasta Na Tha

ہم یوں ملے کہ جیسے کوئی واسطہ نہ تھا

اس کے سوا تو اور کوئی راستہ نہ تھا

کیا بے پناہ وار تھا نیزے کا وقت کے

دیکھا جو آس پاس تو کوئی بچا نہ تھا

ہر سمت تھا صلیب پر میں ہی ٹنگا ہوا

اپنا شریکِ غم کوئی اپنے سوا نہ تھا

اٹھا فنا کے ہاتھ جو پردہ وجود کا

ہم اپنے منتظر تھے کوئی دوسرا نہ تھا

چہروں پہ تھا جما ہوا سیدؔ غبارِ کرب

شہرِ وفا میں کوئی کسی سے جدا نہ تھا

 

Ham Yon Mile Ke Jaise Koi Wasta Na Tha

سید شکیل دسنوی( مرحوم)