Meri Ibtida Tu Meri Inteha Tu > Nafees Khan

مری ابتدا تو مری انتہا تو

مری زندگی کا فقط مدعا تو

عمل کچھ نہ کرتا گزارش پہ میری

مگر سُن تو لیتا مری  التجا تو

خزاں بال بیکا نہیں کرسکے گی

بہاروں سے بس اپنا دامن بچا تو

بڑے طیش میں گردشیں کہہ رہی ہیں

اگر تجھ میں ہمت ہے تو مُسکرا تو

ٹھہر چار تنکے بچے ہیں سجا لوں

نشیمن پہ پھر میرے بجلی گرا تو

زمانہ حقارت سے جس کو بھی دیکھے

نفیسؔ اپنے سینے سے اس کو لگا تو

نفیس خاں

688,DirgaPurwa(KamelaRoad)

OldSitapur(U.P)Mob: 

Meri Ibtida Tu Meri Inteha Tu > Nafees Khan