خندۂ برقِ تپاں سے آشیاں جل جایے گا
آشیاں تو آشیاں ہے گلستاں جل جایے گا
دھوپ کی شدت ہے گویا آسماں شعلہ فشاں
تپتے ریگستاں میں ہراک کارواں جل جایے گا
آگ نفرت کی لگائیں امن کی باتیں کریں
ایسے ہی نیتاؤں سے ہندوستاں جل جایے گا
فرقہ بندی‘ قتل و خوں‘ آتش زنی ہو عام اگر
سائباں نظم و نسق کا بے گماں جل جایے گا
ایٹمی طاقت ہے ہراک قوم اب چوری چھپے
تاب کاری حملوں سے سارا جہاں جل جایے گا
شعلۂ بغض و تعصب اور حسد کی آگ سے
فیضیؔ یکسر دامنِ امن و اماں جل جایے گا
عبدالمجید فیضی
12/106,Nayapara
Sambalpur-768001(Odisha)
No comments:
Post a Comment