حالِ دل اپنا کبھی ہم جو سنانے نکلے
درد میں ڈوبے ہوئے سارے فسانے نکلے
آپ نفرت کا اگانے لگے جنگل ہر سو
بستیاں پیار کی ہم لوگ بسانے نکلے
راہ میں پھول بچھاتا رہا جن کی ہردم
میرے رستے میں وہی کانٹے بچھانے نکلے
حق کا پرچم لیے ہاتھوں میں وہی آلِ رسول
اپنے ہی خون کے دریا میں نہانے نکلے
ہم روایت کے امیں آج جہاں میں سرورؔ
اپنے اجداد کی دستار بچانے نکلے
غلام سرور ہاشمی
No comments:
Post a Comment