گلشنِ زیست کو سرشار کروں یا نہ کروں
خوشبوئے عشق کی مہکار کروں یا نہ کروں
کشمکش میں ہے گرفتار یہ جذبہ میرا
تجھ سے میں پیار کا اظہار کروں یا نہ کروں
میری چھت پر ہے ابھی جلوہ نما چاند کوئی
اس کے چہرے کا میں دیدار کروں یا نہ کروں
کتنا سنگین ہے بے درد زمانے کا چلن
راستہ جینے کا ہموار کروں یا نہ کروں
ہوش والے بھی ہیں محروم خرد سے امجدؔ
چل کے دیوانوں سے گفتار کروں یا نہ کروں
محمد امجد سلیم امجد(کریم نگر)
No comments:
Post a Comment