عشقِ ناکام کا اظہار کروں یا نہ کروں
’’خود کو رسوا سرِ بازار کروں یا نہ کروں‘‘
وہ گزرتے ہیں سرِ راہ چرا کر آنکھیں
ان سے اب آنکھیں کبھی چار کروں یا نہ کروں
رنگ و رامش ہو سوا فصلِ گلِ لالہ میں
اپنے آنگن کو چمن زار کروں یا نہ کروں
کیوں ہیں حیرت زدہ احباب مری جراَت پر
حق کا اظہار سرِ دار کروں یا نہ کروں
سن کے بھی بانگِ جرس ہیں سبھی غافل فیضیؔ
خواب سے یاروں کو بیدار کروں یا نہ کروں
عبدالمجید فیضی(سمبلپور)
No comments:
Post a Comment