Sirf Khawaboun Ka Silsila Dega > Yunus Aasim > Ghazal

صرف خوابوں کا سلسلہ دے گا

’’یہ برا وقت اور کیا دے گا‘‘

میرے غم میں شریک ہوکر وہ

میل دل سے مرے ہٹا دے گا

یہ ضروری نہیں کہ منصف بھی

میرے حق میں ہی فیصلہ دے گا

مانگ اس سے جو تیرا خالق ہے

تیری امید سے سوا دے گا

میرے گھر کے لیے وہ کافی ہے

روشنی جس قدر دیا دے گا

ایسا پودا لگاؤ آنگن میں

جو پڑوسی کو آسرا دے گا

سن لے عاصمؔ ہے میل کا پتھر

تیری منزل تجھے دکھا دے گا

یونس عاصمؔ

DewanBazar,Cuttack